Siglir tar il cuntegn
Inhalt

Surselva Pendicularas da Val S. Pieder èn sanadas

Vischnanca ed acziunaris desistan sin 7 milliuns francs.

Suenter che la radunanza communala da la vischnanca da Val S. Pieder ha relaschà a las pendicularas debits da 3,2 milliuns francs, èn ils acziunaris ussa stads pronts da reducir il chapital d'aczias per 90%. Els han detg unanim gea a la proposta da svalitar las aczias per ina summa da 3,7 milliuns.

L'avegnir dastgan las pendicularas quintar cun ina summa da 900'000 francs ad onn da la vischnanca, era quai auda tar la sanaziun da las pendicularas a lunga vista. Quels 900'000 francs vegnan in terz da la vischnanca sezza, in terz ord l'auzament da la taglia sin immobiglias ed in terz da la nova taxa turistica sin segundas abitaziuns che Val introducescha davent da l'auter onn. Persuenter èn las cabinas da Val si Gadastatt gratuitas per tut ils giasts.

RR novitads 18:00