Siglir tar il cuntegn

Surselva Pendicularas Val: Dus models vegnan persequitads enavant

Suenter la retschertga online restan duas variantas co las pendicularas da Val pon vegnir finanziadas en l'avegnir. Model 1: ir cun Skis «All included» ed il model 2: mo la pendiculara Gadastatt includida.

Ir cun skis tut inclusiv enta Val quai «Model 1» polarisescha tar ils indigens èsi mez e mez e tar ils possessurs da secundas abitaziuns ed ils hoteliers èsi duas terzas ch'èn encunter quella varianta. Tar tut ils 729 participants da la retschertga online ha il «Model 2» gì la pli gronda acceptanza. Quel prevesa la pendiculara fin Gadastatt inclusiva, ed ina carta da stagiun pli favuraivla.

Cun quai ch'i dat tar omadus models anc bleras dumondas avertas, ha la vischnanca da Val communitgà ch'els vegnan a persequitar vinavant ad interim omadus models. Era per omadus models vala ch'els ston vegnir finanziads sur la taxa da turissem.

  • Model 1: All Included – All included vul vairamain dir ch'ils osps ed ils indigens a Val pon ir cun skis gratuit. Pajà vegn quella purschida sur la taxa d’osps cun 1’000 francs per letg ad onn da la hotellaria e 500 francs per letg dals possessurs da secundas abitaziuns.
  • Model 2: ir cun skis favuraivel – Tar la segunda varianta, ir pli favuraivel cun skis, custa la carta da stagiun 333.- e la carta dal di 29.- Ella fiss per la vischnanca la varianta pli favuraivla.

Quest atun quintan ils da Val ch'i vegnian a votar co els vulan spendrar lur pendicularas.

RR novitads 15:00