Il mars cura che la Svizra ha serrà ils cunfins pervi dal coronavirus haja la pensiun betg sentì uschè fitg las consequenzas. Quai perquai che la stagiun d’enviern era quasi a fin. Suenter è suandà ina stagiun da stad buna, di Renate Valkenburg la manadra da la pensiun Clarezia a Vuorz.
audio
Pensiun Clarezia patescha da la pandemia
ord Actualitad dals 05.10.2020.
laschar ir. Durada: 2 minutas 29 Secundas.
Dapi ils 28 da settember vala l'Ollanda sco pajais da ristg en connex cun il coronavirus. E dapi lura n'hajan els nagins giasts pli. L'october fiss la chasa stada plaina. Tut ils osps hajan dentant stuì stornar lur vacanzas, uschia la manadra vinavant.
Nagin va en vacanzas sche el sto star 10 dis en chombra.
Normalmain lavuran 8-10 persunas en la pensiun Clarezia, ussa èn be 6 persunas emploiadas. Da quai sajan mo dus collavuraturs en plazza cumplaina, ils auters hajan paja a l'ura.
Jau hai per la segunda giada stuì annunziar lavur curta per ina gronda part da mias collavuraturas e collavuraturs.