Siglir tar il cuntegn

Header

cuntegn

Per il bainstar dals animals Nova pratica da veterinari a Glion cun filiala a Vella

Avant otg onns èn trais praticas da veterinari s’unidas a Glion. Bainprest datti puspè duas praticas.

Il giuven veterinari Fadri Vincenz da Vella avra ensemen cun sia partenaria ina nova pratica da veterinaris a Glion. Vinavant vegn el a cuntinuar la pratica veglia da ses bab a Vella en Lumnezia.

La raschun per la nova pratica Capricorn

Il giavisch dal giuven veterinari Fadri Vincenz è stà da lavurar en Surselva. Tar la pratica che ses bab aveva fusiunà avant otg onns n'ha quai betg funcziunà. Ed uschia ha el ussa fundà sez ina pratica.

Jau lavur gugent en squadras, ed jau vuless lavurar dapli cun acupunctura ed omeopatia era tar ils animals.
Autur: Fadri Vincenzveterinari

Pratica sin 400 meters quadrat

La nova pratica a Glion cumpiglia er in labor, uschia ch'ins po rugalar las lavurs sin quest sectur bler pli spert che fin ussa. En tut quinta Fadri Vincenz che quatter fin tschintg veterinaris pon lavurar en la pratica. Uschia saja era garantì in temp da lavur per ils emploiads, che correspundia als giavischs dad ozendi.

Glion sco avantatg

La pratica Capricorn sa chatta en il tract dal Hotel Eden, en il plaunterren. Quai è gist sper la staziun da Glion entamez il center. Fadri Vincenz è persvadì dal lieu, cuntanschibel era cun meds publics.

audio
Veterinaris cun novas ideas – e bainprest ina nova pratica a Glion
03:34 min, Actualitad dals 07.01.2021.
laschar ir. Durada: 03:34 minutas.

RTR actualitad 17:00

Artitgels legids il pli savens

Scrollar a sanestra Scrollar a dretga