La regenza ha concedì a l'uniun «Ruinaulta» ina contribuziun da totalmain 705'000 francs als custs per il management dal territori dal 2022 fin 2024. Tenor la cunvegna da program pertutgant la protecziun da la natira finanzieschan la Confederaziun ed il chantun mintgamai ina mesadad da questa contribuziun da promoziun. Per l'uniun vegnan stimads custs da totalmain 1,2 milliuns francs fin l'onn 2024. Als custs totals sa participeschan, dasper Confederaziun e chantun, er las vischnancas Bonaduz, Tumein, Trin, Glion, Flem, Schluein, Sagogn e la Val Stussavgia, sco era il parc natiral Beverin e l'UNESCO Arena tectonica Sardona. Quai communitgescha il chantun.
Dapli visitaders
Ensemen cun differentas gruppas d'interess veglia l'uniun «Ruinaulta» promover il mantegniment e garantir la coordinaziun per quai. Damai che la Ruinaulta ha dapli visitadras e visitaders, dovria era in management. Cun servetschs da rangers hajan ins sco project da pilot ils davos onns pudir stabilisar in tal.
