Siglir tar il cuntegn

Surselva Pèschs e pileschs chaschunan disturbis en il lai da Claus Surrein

Il lai saja en ina nauscha parita, el saja tschufragnà e cuntegnia peschs, schnecs ed auter. Questas reproschas ha in cusseglier da vischnanca da Tujetsch fatg dacurt en ina sesida dal cussegl.

Il lai da Claus Surrein a Sedrun.
Legenda: Il lai da Claus Surrein a Sedrun. RTR, H. Giger
Schnecs en il lai.
Legenda: Schnecs en il lai. RTR, H. Giger

Perquai ha la suprastanza da Tujetsch fatg vegnir l’expert sin il plaz per discutar mesiras. L’expert è Rolf Bütikofer che ha planisà il lai. Ils pileschs (respectiv verms pitschens ch'èn parasits dals schnecs) sajan là nua che l’aua saja pli chauda. Quai saja dapertut uschè. Tgi che fetschia bogn possia sa proteger cun unscher en ina crema ubain far la duscha. In’autra mesira saja da laschar ir inpau aua ord il lai per laschar siar si parts agl ur.

Ils peschs pitschens ha ina persuna mess en l’aua, e quai saja scumandà, ha Andreas Pfister ditg. El fa part da la direcziun da la vischnanca da Tujetsch. El appelleschia da na betg far da quai en l’avegnir.