Siglir tar il cuntegn

Header

video
Pignols da Nadal a Rabius
Or da Telesguard dals 20.12.2021.
laschar ir. Durada: 5 minutas 23 Secundas.
cuntegn

Pignol da Nadal Betg dal tut perfect, persuenter indigen

In pignol da Nadal na sto betg esser adina cumprà en ina stizun. A Rabius porscha l’Uniun da giuventetgna il service da purtar pignols or dad atgna racolta fin davant porta.

Ir a tagliar pignols da Nadal en il guaud, e lura vender quels als indigens. In usit che l’Uniun da giuventetgna Rabius tgira gia dapi onns. Ma era sche lur clientella spera sin bels pignols, sco quai ch’ins enconuscha da las reclamas, la realitad, u la natira, è per il solit in zichel autra: Qua u là magher, in zic crutsch, u cun in piz massa lung. Chattar pignols ideals è per la giuventetgna mintg’onn ina sfida.

La glieud sa che nossa pignola che stat la fin finala tar els en stiva ha forsa betg plazza per bleras cullas.
Autur: Davide Beer president Uniun da giuventetgna Rabius

Ina sfida che tant la giuventetgna sco era ils clients piglian in pau cun umor. La fin finala vai per l’uniun plitost da pudair passentar in bel di ensemen. E per quels da Rabius è quai ina pussaivladad da sustegnair in zic l’Uniun da giuventetgna e d’avair in pignol indigen en stiva. E quai perduna per part era il stadi dal pignol mintgatant plitost mediocher.

Telesguard 17:40

Artitgels legids il pli savens