A Pitasch sur Glion è in um crudà sonda cun in tractor en ina val ed è sa blessà. Cun ir enavos sin la pastira ha il tractor tuttenina cumenzà a ruschnar ed è lura crudà 60 meters en la profunditad e stà airi, communitgscha la polizia.
L'um blessà haja lura pudì raiver sez or dal vehichel ed alarmar la Rega. Quella ha lura sgulà l'um da 64 onns en l'ospital chantunal a Cuira. Il tractor è vegnì donnegià cumplettamain.
Il tractor ha lura stuì vegnir segirà cun agid da l'agid stradal da Glion, cun sis umens. Pli tard ha lura in'interpresa forestala indigena pudì trair siador il tractor en in'acziun stentusa. La polizia sclerescha anc las circumstanzas da l'accident.
audio
Per tadlar: las novitads da las 12:00
ord Novitads dals 19.07.2020.
Maletg: RTR
laschar ir. Durada: 4 minutas 12 Secundas.