Tar la davosa sanaziun dal tutgiez avant 60 onns han ins mess en pensiun il zain pitschen da Breil, e pendì quel sisum il clutger baselgia. Cun sanar la baselgia han ils responsabels lura decidì uss, da dar al zain ina nova funcziun.
Il zain vegn renovà e duai silsuenter puspè pender en il clutger. Questa giada dentant cun la pussaivladad da tutgar el a maun. Ils custs per la renovaziun dal zain muntan a 10'000 francs.
A la tschertga da padrin e madritscha
Cun in inserat tschertga la plaiv da Breil padrins e madritschas che gidan da finanziar ils custs per renovar il zain pitschen:
Il zain pitschen vegn prest puspè montà. Sche tut va tenor plan pudess quai gia esser da Nossadunna d'avust, cura che la plaiv da Breil festivescha sia perdunanza.
Frar grond turna era
Il zain grond ch’era vegnì allontanà durant la medema sanaziun avant 60 onns sco il zain pitschen – aveva la plaiv da lezzas uras gì vendì al Museum Retic a Cuira. Quel turna suenter la sanaziun da la baselgia ad emprest puspè a Breil. Ils dus zains mesauns aveva la firma responsabla da lezzas uras, luentà per producir zains novs. Quai èn quels che pendan actualmain en il clutger a Breil.