Siglir tar il cuntegn

Header

cuntegn

Plaiv refurmada Martin Gabriel daventa curatur interimistic

Il secretari general da la Lia Rumantscha Martin Gabriel surpiglia supplementarmain l'uffizi sco curatur da la plaiv refurmada Castrisch-Riein-Sevgein. I sa tractia dad in servetsch interimistic che s'extendia forsa viaden en il 2021. Il pensum muntia a trais enfin quatter uras ad emna. Quai rapporta la Fundaziun Medias Rumantschas.

Gabriel haja presidià diesch onns la plaiv refurmada da Glion ed enconuschia uschia bain las structuras da la baselgia chantunala. L'entschatta da favrer saja el entrà en funcziun. El reglescha tranter auter l'entira administraziun, maina il quint e la gestiun e segirescha il provediment da basa.

Suenter ch'i n'era betg gartegià da chattar persunas per la suprastanza, ha la baselgia chantunala stuì metter sut curatella la plaiv da Castrisch-Riein-Sevgein. La constituziun determinescha questa via.

RTR novitads 20:00

Artitgels legì il pli savens

Nach links scrollen Nach rechts scrollen