L'idea d'organisar trais sairas (ils 9/10/11 da fanadur) la purschida da guardar kino e seser en l'auto sin la plazza fiera a Glion è naschida pervia da la crisa da corona. Quasi en l'entira Svizra en ils autokinos vegnids lantschads.
Plazza fiera ideala
Ins pudess pensar ch'il lieu – la plazza fiera entamez la citad Glion – saja in zic ristgà. Kevin Brunold, il manader da Surselva Turissem, sa però quietar convischinas e convischins. Pertge il tun dal film che vegn preschentà, vegnia emess sur frequenzas da UKW en mintga auto. Uschia na dettia quai er strusch canera sin il plaz.
La plazza fiera da Glion ha gia vis bleras differentas occurrenzas ed jau pens ch'era per l'autokino è quai il dretg lieu.
Reservar il plaz, empustar il da baiver e da magliar quai vegn tut fatg sur ils telefonins. Sa chapescha vegn era paja cun lez. In sistem che saja gia sa cumprovà.
La plazza fiera porscha plaz per circa 100 autos. Ils organisaturs spetgan cun tensiun sche la purschida extraordinaria a Glion porta fritg. Ir a kino esser tranter la glieud e tuttina en las atgnas paraids quai è autokino, pia sco fatg per il temp da corona.