La plazza da scola da Mustér ha stuì vegnir fatga da nov. Surtut ils obstachels cun auts mirs e stgalas taissas era in problem. Suenter che quellas lavurs da reconstruir eran a fin hai dentant dura ditg fin che la plazza scola è finida.
Novas pussaivladads da termagliar
Sin plazza scola ha quai dà pliras pussaivladads da sa divertir en il temp liber u da pausa. Uschia hai dà ballabainas, plirs urdains da trenar l’equiliber e l’inschign ed era ina plazza guliva nua ch’ins po giugar ballape. Uss èn era las saivs davent che han tegnì davent ils uffants per ch’il pastget possia crescher.
Plazza da ballape senza saiv
La plazza guliva nua ch’ins po giugar ballape u autras chaussas è il mument anc senza ina saiv che po tegnair si las ballas. Ma quella duai anc vegnir realisada en ina furma u l’autra, ha concedì il president communal. Ma fin uss mancan ils gols ed era las ballabainas n’èn il mument en tschaler. Quai vegnia cun temp e peda tut puspè mess a disposiziun als uffants, han ditg ils responsabels. Ma en il temp da corona na saja meglier da betg porscher da memia pussaivladads nua che fitg bleras scolaras e scolars sa concentreschian il medem mument.