La glieud giuvna n’ha tenor sur Alfred Cavelti betg pli quella relaziun tar la baselgia sco pli baud. Els veglian sa distanziar da l’instituziun da la baselgia, ed era spargnar cun betg pajar la taglia da baselgia.
Dentant manegia il plevon ch’ils scandals d'abus sexuals en la baselgia catolica ch’èn vegnids a la glisch ils davos onns, èn era la culpa che blers èn daventads pli sceptics envers la baselgia.
Mo singuls extreschan
Schegea ch’il trend d’extrar da la baselgia è creschì, n’extrescha la glieud betg en rotschas en Surselva, tenor l’augsegner. Avant 42 onns, cura che sur Alfred Cavelti ha entschet ses uffizi, n'extrava nagin.
Quai metta nus, la baselgia, natiralmain schon en dumonda.
El è pertschert ch’i dovra midadas en la baselgia, e ch’els ston vegnir pli moderns ed attractivs. Plans concrets n’èn dentant anc betg. Sulettamain resguardar temas actuals en ses predis na tanschan betg per carmalar la glieud en baselgia.
Jau e la baselgia essan schon vegnids pli lucs sur ils onns.
Igl è da guardar tge ideas che la plaiv da Glion po realisar. E forsa vegnan las baselgias in di era puspè ad esser plainas las dumengias – e betg mo da Nadal.
RTR actualitad 07:00