Siglir tar il cuntegn
Inhalt

Surselva Plevons pensiunads ston gidar

En la Cadi èn il mument trais plaivs senza plevon: Breil, Medel e Tujetsch. Ed a partir dal settember è era la plaiv da Mustér senza plevon, perquai che sur Georg Changeth turna en l'India.

Mancanza da plevons en la Cadi.
Legenda: Mancanza da plevons en la Cadi. RTR

Perquai che questas plaivs èn senza plevon ston ils plevons pensiunads, sur Alexi Manetsch e sur Giusep Venzin, e mintgatant paders da la claustra gidar. Sco sur Alexi di, possia el sa gidar, dentant betg surprender l'entir pensum per la plaiv da Mustér. El giaja vers ils 75 ed ins sentia che quai giaja pli vess e pli plaun. E cun sa gidar n'hajan ins betg l'entira responsabladad, ins possia alura era dir ina giada na perquai ch'ins sappia ch'ins na saja betg persul, di sur Alexi.

La glieud è fitg engraziaivla ch’ins sa gidia.
Autur: Sur Giusep Venzin

Decider libramain

Ma ils plevons pensiunads na ston betg gidar a far messa. Els pon decider libramain, sch'els vulan far quest servetsch. Sulet duas plaivs en la Cadi han plevons a partir dal settember: Trun cun sur Tomasz Piotr Drwal e Sumvitg cun sur Saji Vellamoor da l'India (succesur da sur Benny Varghese).

Celibat e rolla da dunnas?

En connex cun il cas dal plevon da Breil di Sur Alexi Manetsch che la baselgia catolica stuess reponderar la funcziun dal celibat e la rolla da las dunnas, vul dir che quellas dastgassan era far messa. Ils segns dal temp sajan clers, mo sche quai na vegnia betg insatge da surengiu, stuessan las plaivs cumenzar a sa dustar.

RR actualitad 08:00