Siglir tar il cuntegn

Surselva Pli paucs giasts per l’Arena Alva

La gruppa da l’Arena Alva ha gì pli paucs giasts l’onn da fatschenta 2014/15. Quai resulta dal rapport da gestiun.

La stad 2014 ha l'Arena Alva gì in nov record cun il sport da velo da muntogna (36'000 frequenzas/+9%).
Legenda: La stad 2014 ha l'Arena Alva gì in nov record cun il sport da velo da muntogna (36'000 frequenzas/+9%). Arena Alva

En tut ha l’Arena Alva gì quasi 895'000 giasts, quai è 1,5% damain che l’onn avant. L’aura da la stad è stada variabla cun blera plievgia, e l’enviern passà n`è betg stà bun.

Tuttina ha l’Arena Alva pudì augmentar la svieuta per 0.8 % (0,7 miu) a 87,2 milliuns francs. E cun 21,2 milliuns (-0,3 miu/-1,6%) haja l'Arena Alva realisà in dals megliers resultats dal cash-flow en l'istorgia da l'interpresa. Il mument saja quai fitg difficil da gudagnar daners en la fatschenta principala. Mo cun 74'000 pernottaziuns contribueschia il rockresort a Laax esenzialmain a la sviueta ed al cash-flow, èsi scrit en il rapport da gestiun.