Questa notg è la punt-lain da Staderas tranter Laax e Flem vegnida montada. Per quest motiv è la via principala stada serrada davent da las 12 da la notg fin la damaun da las 5. Las lavurs èn stadas a fin pli spert che supponì, gia avant las 3 è tut stà finì.
Questa punt che furma la nova entrada a Laax, è mulin e mulinella. D’ina vart è ella sco in monument fatg or da lain indigen e da l’autra vart è ella in factur impurtant per la segirtad dal trafic plaun, da velos e peduns.
Ils davos 10 onns hai numnadamain dà sin quest tschancun bunamain 50 accidents. L’entira punt quintan ins da pudair surdar al trafic en rodund trais emnas.
