Rita Schmid da Val a Turitg e puspè enavos
«Da mes temp avess jau betg pudì far carriera sco advocata en mes vitg patern da Val». Quai di Rita Schmid, che ha realisà sia carriera a Turitg. Sco pensiunada è ella turnada a Val S. Pieder, ed ella conceda che bler è sa midà.
Oz ma dumandass jau, tge schanzas datti en il Grischun, a Cuira u a Val, che permettan da far ina carriera sco advocata perfin en in vitget sco Val.
Beatrice Baselgia da Domat
Ella haja fatg plaz per ses umens (l'um e dus buobs). Cunquai ch'ella è stada bler ord chasa han els gì l’obligaziun e la finala era il plaschair d'organisar il tegnairchasa, di Beatrice Baselgia. Els han emprendì da cuschinar e lavar resti. Ella èda l'opiniun che bleras dunnas stuessan simplamain laschar far il umens ed ils buobs era quellas chaussas. Quai saja la schanza per la nova generaziun.
Ins sto vulair, quai è ina chaussa che nus dunnas stuain mussar ad autras dunnas. Far politica fa plaschair e dat forzas nunditgas.
Anna Stäuble da Vrin
Il pendular saja in grond impediment sch'ins vul cumbinar il mastergn da veterinaria, esser mamma e pura. Pendular custia temp e daners, ed ins stoppia metter prioritads, di Anna Stäuble. «Jau hai gì il sustegn da la famiglia da far quai».
Che la Lumnezia ha ussa ina Kita mida mia situaziun dal tut. Ils davos 4 onns na devi betg quai. Tras quella purschida s'avra in nov chapitel per mai.