Possessurs d'abitaziuns secundaras en Tujetsch vegnan udids

A Sedrun èn sa radunads 120 possessurs d'abitaziuns secundaras per lur emprima radunanza generala ordinaria.
Dapi l’atun passà datti lur Cuminonza d’interess Tujetsch. Ella ha ca. 300 commembers e s’engascha per ils interess da possessurs da secundas abitaziuns ed affittaders permanents.

Ina vista totala da la val sisum la Surselva. Bild in Lightbox öffnen.

Legenda da maletgs: La Cuminonza d'interess Tujetsch sa metta en per radund 300 comembras e comembers. ANR, H.Huonder

A la radunanza generala è la presidenta, l’anteriura cussegliera naziunala Vreni Müller-Hemmi, sa mussada cuntenta cun il dialog instradà cun la vischnanca. Dad in emprim inscunter cun ina delegaziun da la suprastanza communala è resultà in consens pertutgant temas e la necessitad da s’inscuntrar regularmain, scriva l'agentura da novitads ANR. La finamira è da sa chattar 4 giadas ad onn cun las autoritads communalas.

Portrait da Vreni Müller-Hemmi Avrir maletg en lightbox.

Legenda da maletgs: ANR, H.Huonder

«  L’emprima sentupada ha mussà che la vischnanca ha interess vid in dialog instituziunalisà cun la Cuminonza d’interess Tujetsch. »

Vreni Müller-Hemmi
Presidenta Cuminonza d’interess Tujetsch

En pli èn ils preschents vegnids a savair che la vischnanca da Tujetsch vul porscher en l'avegnir il pass per la loipa gratuitamain als possessurs d'abitaziuns secundaras.

Durant la radunanza han ils preschents era formulà giavischs sco per exempel dapli artitgels per tudestg en la «Tuatschina» u pussaivladads da cumpra e dal traffic public per fracziuns pli perifericas.

RR novitads 15:00