A la radunanza generala è la presidenta, l’anteriura cussegliera naziunala Vreni Müller-Hemmi, sa mussada cuntenta cun il dialog instradà cun la vischnanca. Dad in emprim inscunter cun ina delegaziun da la suprastanza communala è resultà in consens pertutgant temas e la necessitad da s’inscuntrar regularmain, scriva l'agentura da novitads ANR. La finamira è da sa chattar 4 giadas ad onn cun las autoritads communalas.
L’emprima sentupada ha mussà che la vischnanca ha interess vid in dialog instituziunalisà cun la Cuminonza d’interess Tujetsch.
En pli èn ils preschents vegnids a savair che la vischnanca da Tujetsch vul porscher en l'avegnir il pass per la loipa gratuitamain als possessurs d'abitaziuns secundaras.
Durant la radunanza han ils preschents era formulà giavischs sco per exempel dapli artitgels per tudestg en la «Tuatschina» u pussaivladads da cumpra e dal traffic public per fracziuns pli perifericas.
RR novitads 15:00