La decisiun da la dretgira federala envers ils possessurs d'abitaziuns secundaras na saja betg stà ina surpraisa. Quai di Ignaz Derungs, el posseda ina abitaziun secundara a Tavanasa, ed el è en suprastanza da la cuminanza d’interess da possessurs d'abitaziuns secundaras Surselva.
Tschertgar il dialog
Per els na fiss la via avant dretgira betg stada la dretg via, era pervia da las finanzas, di Derungs. E gia suenter 2014, suenter ina fasa hectica ed agressiva, hajan els midà la tenuta e la strategia cun tschertgar il dialog cun las vischnancas. E mo quel portia fritg.
Ils ultims dus onns è il respect envers nossa lavur vegnì bler pli grond.
Quai dettia era ina tscherta forza cun 700 commembers en lur cuminanza d’interess (Breil, Sursaissa/Mundaun, Glion, Sursaissa) e quasi 2'000 commembers activs en Surselva. La finamira saja che las vischnancas mussian era en l’avegnir, co ch'ellas dovran ils daners da la taxa da giasts.
RR actualitad 17:00