Siglir tar il cuntegn

Header

video
Ricardo Wolf n'anfla betg persunal, sco blers ustiers.
Or da Telesguard dals 24.09.2021.
laschar ir
cuntegn

Posta Veglia Schluein Riccardo Wolf ha reducì il temp d'avertura

La pandemia da corona ha scurlà la gastronomia sco pauc autras branschas. Mesiras da protecziun e lockdowns han sgrattà vid la fidanza dal persunal.

audio
Posta Veglia Schluein – Riccardo Wolf ha reducì il temp d'avertura
02:51 min, Actualitad dals 24.09.2021.
laschar ir. Durada: 02:51 minutas.

Avant trais onns ha il cuschinier Riccardo Wolf avert sia emprima atgna ustaria. Il siemi ha dentant magari svelt mida colur. La pandemia da corona ha serrà er la Posta Veglia strusch ch’ella era averta. Il giuven ustier n'ha dentant betg fiers la palutta en in chantun. La Posta Veglia è averta e marscha, e cumbatta uss cun in nov problem. Tut la gastronomia tschertga persunal.

Jau hai gì ina mancanza da persunal da 30%. Quai ha tanschì da metter sin il chau mes manaschi. Jau hai savì avrir be la saira, da mezdi hai jau stuì serrar. Blers e bleras en nossa branscha han pers la fidanza ed han tschertgà in auter job.
Autur: Riccardo Wolf ustier

Riccardo Wolf ha empruvà da tut per tener en vita ses affar. El ha grazia d'improvisaziuns sco take away survivì mesiras da protecziun e lockdown. Dar si u tegnair la dira? Er Riccardo Wolf sa dumonda mintgatant sch’i vala quest sforz enorm.

RTR Telesguard 17:40

Artitgels legids il pli savens

Scrollar a sanestra Scrollar a dretga