Ella ha 39 onns, è creschida si en la Val Lumnezia e lavura dapi quatter onns tar la posta. Carin Collenberg è responsabla per ils vitgs en la Val Lumenzia. Ensemen cun quatter collegas partan els si ils vitgs en diversas turas. Quellas midan mintga di – qua che fetschia la lavur pli interessanta. Ina lavur che Carin Collenberg fa cun grond plaschair.
-
Bild 1 von 3. La damaun vegn sortì la posta. Carin Collenberg reparta las brevs tenor adressa per esser suenter pli spert. Bildquelle: Annina Hartmann.
-
Bild 2 von 3. Tour 221. En quels vitgs va la tura 221. Bildquelle: Annina Hartmann.
-
Bild 3 von 3. Tetris cun ils pacs. I vegn adina pli savens postà insatge online. Quai badan er ils postins e las postinas. Bildquelle: Annina Hartmann.
Ella ha emprendì spezialista da commerzi, lavurà en il servetsch extern e sin il plazzal. A l’entschatta ha ella retschet ina introducziun e suenter saja stà in «learning by doing». Gist per ella na saja quai betg stà in problem da vegnir en en la lavur. Er la midada en la digitalisaziun na saja stà in problem.
-
Bild 1 von 2. Sin tura. La posta preparada vegn repartida. Bildquelle: Annina Hartmann.
-
Bild 2 von 2. Ina manada ed il dretg pachet è chattà. Sin il telefonin ha la postina la survista nua che il pachet va. Bildquelle: Annina Hartmann.
Bel vi da la lavur sajan ils inscunters e las baterladas cun ils indigens, il temp sulet en l'auto e la lavur en il team. Per il mument saja quai ina fitg bella lavur, tenor ella ina lavur fin a la pensiun. Ma quai vul la Lumneziana anc laschar avert.