L'atun 2021 èn las lavurs da fundament vegnidas fatgas, la stad 2022 duai la contrucziun brutta esser finida e la stad 2023 duain las novas abitaziuns esser prontas per osps. Quai ha la Breil Resort SA scrit en ina communicaziun.
Tenor il directur da l'interpresa haja corona augmentà fermamain la dumonda per vacanzas en Svizra. Perquai vulan ins finir la segunda etappa uschè spert sco pussaivel. En tut vegn il resort lura a porscher 113 abitaziuns cun total 600 letgs.
79'000 pernottaziuns
2020 haja il resort generà dapli pernottaziuns che tut ils hotels da Breil, hai num en la communicaziun. Il ressort cumpletteschia optimalmain la purschida dals hotels, di era Kevin Brunold, manader da fatschenta da Turissem Surselva. Il resort saja relevant per il sistem da Breil.
