Siglir tar il cuntegn

Header

cuntegn

Surselva «praktigrischun» - ina nova scolaziun d’economia da chasa

In onn cuzza la scolaziun d’economia da chasa en in manaschi puril. L’uniun puras e dunnas da la champagna vul porscher quest praticum per giuvens e giuvnas.

L’idea naschida l'october passà duai vegnir realisada gia questa stad. Quest tempo è pussaivel mo, perquai che las puras e dunnas grischunas da la champagna han pudì surpigliar in model d’ina tala scolaziun dal chantun da Lucerna.

Astrid Derungs, la manadra dal project «praktigrischun», discurra da sinergias ch'èn vegnidas nizzegiadas enstagl d'inventar da nov l’entira chaussa.

Astrid Derungs, la manadra dal project «praktigrischun».
Legenda: Astrid Derungs, la manadra dal project «praktigrischun». RTR, L. Livers

Praticum e scola

Il «praktigrischun» duai dar als giuvenils ina pussaivladad da surmuntar in onn per avair dapli temp per chattar ina plazza d’emprendissadi.

Il praticum è dentant en sasez er ina scolaziun che prepara ils giuvenils sin la vita. Durant quest onn lavuran els en in manaschi puril cun in ritmus da 4 dis da lavur en il tegnairchasa ed in di ad emna scola en il Plantahof. Il plan d’instrucziun cumpiglia l’entira economia d’in tegnairchasa, davent dal cuschinar sur il curtin, simplamain tut quai che ha da far cun in perchasa.

audio
Mezdi: «praktigrischun» - praticum da purAs d'in onn per giuvenils
ord Actualitad dals 31.03.2016.
laschar ir. Durada: 3 minutas 49 Secundas.

In supplement dal «praktigrischun» è d'accumpagnar ils giuvenils sin la tschertga d’ina plazza d’emprendissadi.

Tschertga per plaz da praticum

Tenor Astrid Derungs ha cumenzà la tschertga per ils plazs da praticum. S'annunziar per porscher in tal plaz da praticum pon puras che han fatg la scola da puras. Gia tschintg manaschis purils èn da la partida. Las organisaturas quintan cun radund 12 plazs per in tal praticum.

Il «praktigrischun» custa 5'000 francs, ils giuvenils survegnan dentant era ina paja minimala durant quest onn.

Artitgels legids il pli savens