Il film cun in budget da 14 milliuns francs raquinta l'istorgia da dus umens vegls da bunamain 80 onns, in cumponist/dirigent englais pensiunà ed in reschissur da films, che passentan lur vacanzas en in hotel da luxus en las Alps. Fred, il cumponist, na vul betg diriger pli, survegn dentant ina dumonda da la Queen per diriger in concert d’anniversari. Mick, il reschissur, lavura cun ses team vi dal script da ses proxim film, che duess daventar ses chau d’ovra. Il film dal reschissur Paolo Sorrentino cun ils acturs principals Michael Cane e Harvey Keitel, è vegnì filmà avant bunamain in onn e mez per gronda part en las localitads dal hotel Waldhaus. Davent dals 10 da settember vegn il film mussà en ils kinos svizzers.