Siglir tar il cuntegn

Header

cuntegn

Surselva Premi «Chardun d'argient» per Silvia ed Edi Hess da Rueras

Il bain puril che ha avert per tut tgi che ha interess vid animals, survegn in premi turistic.

Silvia ed Edi Hess èn ils emprims che dastgan prender encunter il premi turistic da l’Uniun Gruppa d’interess Tujetsch. In premi creads da l'artist indigen Hubert Venzin.

Daco gest in bain puril?

Il bain puril da Silvia ed Edi Hees a Rueras è in bain puril da bio innovativ. Uschia è Edi Hess vegnì enconuschent cun ses runal da skis da chavals, è qua sur il cunfin da noss chantun.

Lur bain puril è avert per in e scadin che ha interess dal puresser e dals animals. Sco purs da bio han ils Hess sin lur bain puril chavals chauras e vatgas.

Giuria ha elegì il victur

Ils 300 commembers da l'uniun IG Tujetsch han inoltrà varga 20 projects per il premi. Ord da quals ha ina giuria fatg ina selecziun e restads èn tschintg projects. La finala han puspè tut ils commembers da l'uniun savì eleger online tgenin da quels tschintg che plascha il meglier.

Ils trais emprims

Il Lai da Claus, la tegia da Maighels ed il bain puril da bio da Silvia ed Edi Hess a Rueras han survegnì ensemen 80% da la vuschs. Werner Strebel commember da la suprastanza da l'uniun che ha preschentà la surdada dal premi, ha detg che 60 % dals commembers, bunamain 200 sajan sa participads a questa votaziun online. L'Uniun IG Tujetsch vegn en dus onns puspè a surdar in tal premi.

RR novitads 12:00

Artitgels legids il pli savens