Siglir tar il cuntegn

Header

Las duas musicas da tschaiver da Mustér Las Bagordas e las Fifferlottas communabel sin tribuna.
Legenda: Las duas musicas da tschaiver da Mustér Las Bagordas e las Fifferlottas communabel sin tribuna. RTR, Gionduri Maissen
cuntegn

Premi Desertina Il premi Desertina va a pader Urban ed a las musicas da tschaiver

Il pader benedictin da la claustra da Mustér pader Urban Affentranger survegn il premi Desertina da renconuschientscha. El ha organisà ils ultims 35 onns il forum claustral cun radund 250 arranschaments. La retscha da referats è vegnida lantschada il 1982 cun persunalitads da la politica, economia e cultura. Enturn il november 2018 è stà l’ultim forum claustral cun pader Urban. Il premi da renconuschientscha è dotà cun 3'000 francs.

Las Fifferlottas e Las Bagordas

Il premi da promoziun va a las duas musicas da tschaiver da la vischnanca da Mustér. D’ina vart «Las Bagordas» che pon festivar il 2020 il giubileum da 35 onns e da l’autra vart la musica da tschaiver «Las Fifferlottas» da Segnas ch’è vegnida fundada il 1987. Las musicas vegnan undradas per lur engaschi en favur dal tschaiver, ma era per promover la collegialitad e la cultura en general. Il premi da promoziun è dotà cun 2’000 francs.

Premi Desertina

Il premi undrescha persunas privatas, instituziuns, organisaziuns ed uniuns che s’engaschan a moda extraordinaria per la cultura u il sport en la vischnanca. La populaziun po mintgamai inoltrar propostas. L’ultima giada è il premi vegni surdà il 2017.

RR novitads 06:00