Il premi vegn surdads per chasas che vegnan bajegiadas tenor las normas da chasas passivas. La producziun d’energia cun indrizs fotovoltaics u cun collecturs da sulegl sto esser pli auta ch’il diever d’energia che la chasa dovra sez durant in onn. La chasa d’ina famiglia a Vuorz producescha otg giadas dapli energia che quai ch’ella dovra.
Anfang Bildergalerie
Bildergalerie überspringen
-
Bild 1 von 5. Ursula Babst Brunner ed Arnold Brunner. Bildquelle: RTR, Reto Pfister.
-
Bild 2 von 5. Era il boiler vegn stgaudads cun energia solara. Bildquelle: RTR, Reto Pfister.
-
Bild 3 von 5. Entrada da la chasa. Bildquelle: RTR, Reto Pfister.
-
Bild 4 von 5. Transformaturs. Bildquelle: RTR, Reto Pfister.
-
Bild 5 von 5. Il tetg cun las cellas solaras. Bildquelle: MAD, SOLAR AGENTUR SCHWEIZ.
Ende der Bildergalerie
Zurück zum Anfang der Bildergalerie.
Surpli d'energia dentant betg dil tut autarc
Il tetg da la chasa è cuvert cumplainamain da cellas solaras. Sin ina surfatscha da 270 meters quadrats produceschan las cellas 40 milli kilowatt uras energia. Il diever da la chasa è sulettamain tar 5 milli kilowatt uras. Che la chasa n’è betg dal tut autarca ha da far cun il fatg ch’igl è montà paranaivs sin il tetg. Quel è uschia cuvert cun naiv e producescha durant quai temp nagina energia.