Il public da premiera è sta intgantà da la producziun a Sursaissa. Per Andrea Zogg l’emprima inscenaziun d’ina opera, e sco i para gist cun success. El ha ristgà da metter l’istorgia da Guglielm Tell en il temp modern, u perfin futur. La schuldada dal chastellan Gessler è vestgida futuristic, uschia che l’entira scenaria survegn questa parita.
Al public ha quai plaschì. Quai activescha la fantasia, gest uschia sco quai che Andera Zogg l'ha vuli. Mintgin po chapir ch'il cumbat da Tell per la libertad è in cumbat ch'i dat anc oz.
120 chantaduras e chantadurs sa participeschan a l’opera. Ils costums per l’opera taliana da Gioacchino Rossini ha creà Ursina Schmid, ed il maletg da tribuna ha realisà l’artist indigen Rudolf Mirer.
La stad d’opera a Sursaissa cuzza enfin ils 14 d’avust 2016.
RR actualitad 06:00
