Dürrenmatt a Valendau, atgnamain è quai gia insatge normal. La gruppa da teater da Valendau dat betg per l’emprima giada in toc da Friedrich Dürrenmatt. Ed insumma, la gruppa da Valendau gughegia da prender a mauns ils pli gronds tocs da teater mundials. In pèr exempels: "Die drei Groschen Oper" da Berthold Brecht, “Il ruog rut” da Kleist, "Bauer Jedermann" da Hugo von Hofmannsthal ed igl onn passà "La visita da la dunna veglia" era da Friedrich Dürrenmatt. Els n’han nagina tema da prender a mauns da quels tocs, ed uschia era quest onn "Il fisichers" vidlonder.
Al reschissur Arthur Bühler èsi reussì d’occupar la rollas cun giugaders che persvadan. Leoni Bandli brigliescha ella rolla da Mathilde von Zahnd. Ils trais fisichers Möbius giugà da Thomas Buchli, Einstein giugà da Hans-Andrea Buchli, sco era Beni Jehli ella rolla da Newton persvadan e portan il toc.
La premiera è stada ils 18 da favrer. Ulteriuras producziuns da “Ils fisichers” a Valendau en ils 19/20/25/26/27 da favrer en la halla polivalenta da Valendau, mintgamai da las 20:15. Ils 20 da favrer datti ina producziun suentermezdi da las 15:00.