Siglir tar il cuntegn

Header

cuntegn

Surselva Preparativas per la Festa chantunala da tir 2018 èn sin buna via

14 stans da tir, pli che 700'000 sajets e 10'000 tschaveras, quai èn mo in pèr cifras per descriver las dimensiuns da quella festa.

Ils 15 da zercladur vegn la 25avla festa da tir chantunala averta. Durant trais fins d'emna sajettan bunamain 8'000 tiraduras e tiradurs per premis en differentas categorias. Sajettà vegn en 14 differents stans da tir da l'entira Surselva.

La gronda novitad tar quella festa da tir è il sistem da registrar ils resultats da las tiraduras ed ils tiradurs. Quels resultats vegnan numnadamain tramess a moda electronica direct davent dals 14 stans da tir a Rueun, en il center da la festa.

audio
Bunura: Tir chantunal Surselva: Sistem mussa sajets
ord Actualitad dals 17.05.2018.
laschar ir. Durada: 2 minutas 15 Secundas.

Tenor il schef dal ressort manaschi da tir, Hubert Tomaschett, è il grond avantatg da quai sistem, che la rangaziun è enconuschenta sco ch'in tiradur ha finì sia seria. Direct suenter ch'el ha sajettà, sa el ir a Rueun en il center da festa per sias medaglias, cartas ni premis - tut tenor quant bain ch'el ha tutgà.

Ils finals live online

Ils finals pon schizunt vegnir persequitads online. Sin ina pagina d'internet speziala vegn inditgà il resultat da mintga sajet, e vitiers vegn anc mussà ina visualisaziun che mussa il lieu nua che mintga sajet ha tutgà la schiba.

RR actualitad 08:00

Artitgels legids il pli savens