Pro Cassons: I dat anc speranza da salvar la pendiculara

Il milliun che l’uniun ha rimnà resta tar la Pro Cassons uschè ditg ch'i dat speranza da salvar la pendiculara. E questa speranza mora pir cur che la lubientscha per stgarpar giu la pendiculara è sin maisa.

La staziun al culm da la pendiculara da Cassons. Bild in Lightbox öffnen.

Legenda da maletgs: Dapi igl october 2015 è la pendiculara da Cassons ord funcziun. RTR, L. Livers

Purtret da Arno Krucker il president da la Pro Cassons. Avrir maletg en lightbox.

Legenda da maletgs: Arno Krucker spera anc adina da pudair salvar la pendiculara da Cassons. RTR, L Livers

Arno Krucker è il nov president da la Pro Cassons. El suonda a Hans Sutter ch’è stà set onns al timun. Krucker na vul betg dar si. Enfin che la lubientscha per stgarpar giu la pendiculara n'è betg sin maisa, crai el da pudair salvar quella.

Betg tuts crain en in futur da Cassons

Bunamain 180 persunas èn sortidas da l’uniun. La Pro Cassons dumbra ussa anc 2'150 commembers. Sco quai che Arno Krucker ha detg ad RTR, na crain las persunas ch'èn sortidas betg pli che la Pro Cassons possia anc salvar la pendiculara da Cassons.

La pendiculara n'è anc betg stgarpada giu

Il milliun daners da donaturs che l’uniun ha rimnà resta vinavant tar la Pro Cassons, almain uschè ditg ch'i na dettia betg ina lubientscha da stgarpar giu la pendiculara. Encunter questa lubientscha dat i numnadamain in recurs e quel è anc pendent tar l'Uffizi da traffic federal.

RR novitads 6:00