Siglir tar il cuntegn

Header

cuntegn

Pro Lumerins Segund cristal gigant dal Péz Regina turna en Lumnezia

En la Val Serenastga da la vart dal sid dal Pèz Regina en Lumnezia, avevan Michael Flepp ed Alfons Derungs (defunct) chattà e chavà or il 2003 dus cristals gigants. In paisa 950 kilos, l'auter 1'150 kilos. Il pitschen è exponì en la Casa d'Angel, il frar grond è zuppà en in deposit sper Turitg. Sco emprest po la Pro Lumerins prender quel enavos a Lumbrein.

purtret dal cristal grond
Legenda: Il frar grond dals dus cristals che duai turnar en Lumnezia. Stiftung für Kunst, Kultur und Geschichte SKKG

Sco la FMR scriva na possia la Pro Lumerins betg cumprar el, ma la possessura, la fundaziun SKKG da Winterthur saja pronta da laschar el a Lumbrein sco emprest a lung temp.

En la Casa d'Angel, nua che l'auter cristal gigant sa chatta, n'hai dentant betg plaz, uschia che la Pro Lumerins vul exponer il cristal da 1'150 kilos e bunamain 2 meters autezza en l'anteriura stizun da l'ustaria Lumerina.

purtret dal cristal
Legenda: Il frar pitschen che sa chatta en la Casa D'Angel. FMR, Augustin Beeli

Ord l'archiv:

Il 2003 ha RTR accumpagnà ils dus chavacristals ed observà co els han tratg ils dus cristals or da la tauna ch'els eran en.

video
Culms en il culm - ils cristalls gigantics dal Piz Regina
Or da L’archivar recumonda dals 12.10.2003.
laschar ir. Durada: 10 minutas 58 Secundas.

RTR novitads 06:00

Artitgels legids il pli savens