Probabel ha zatgi dà fieu

Gievgia saira hai brischà a Glion en la fracziun da Duvin, e quai gist en dus lieus. La polizia quinta ch'i saja vegnì dà fieu cun intenziun.

Vista da Pitasch en direcziun Duvin - i brischa sut il vitg Bild in Lightbox öffnen.

Legenda da maletgs: Vista da Pitasch en direcziun Duvin Milena Capeder Duvin

Ins haja chattà fastizs da rodas che mainian gist al lieu d'incendi sut il vitg da Duin. La polizia tschertga ussa perditgas. Ella appellescha a la populaziun da la contactar sch'insatgi ha observà insatge.

In dals incendis da cultira è stà sut il vitg da Duvin e l’auter datiers dal guaud sur il vitg. Ils pumpiers da Glion e da la Lumnezia èn stads en acziun.

Agl ur dil guaud brischa in mantun laina veglia Avrir maletg en lightbox.

Legenda da maletgs: Il fieu al ur dal guaud, en ina regiun senza aua per stizzar Milena Capeder Duvin

Omadus plazs n'eran betg bain cuntanschibels e l’aua ha stuì vegnir pumpada si dal Glogn. Sco quai che Edmund Venzin, il chapitani da pumpiers da Glion, ha detg envers RTR èn ils pumpiers vegnids alarmads enturn la sis la saira. Omadus fieus èn stads sut controlla suenter curt temp.

RR novitads 8:00