Programmar en scola cun RTR - Aua sco art e code

Viaden en il mund da programmar

Ils emprims dus dis èn las scolaras ed ils scolars sa profundads en il mund da programmar e da codar. Els han emprendì da programmar e chapir la basa dal mund digital. Questa savida è la clav per lur projects creativs. Las scolaras ed ils scolars èn stads fascinads cura ch'els han scuvrì tge pussaivladads che savair programmar porta.

La decisiun per l'aua

Suenter ch'els han emprendì la basa da programmar han las scolaras ed ils scolars da Trin prendì ina decisiun impurtanta, la tematica principala.

Els èn sa decidids per la tematica aua, per far conscient quant prezius e vital che quest element è, cun la finamira da sensibilisar a moda creativa per l’impurtanza da l’aua. Silsuenter hai gì num far retschertgas, discussiuns e sviluppar istorgias enturn la tematica d’aua.

Colliar il code cun art

En il center da l'emna da project cun RTR stat la fusiun da code ed art. Ed uschia han las scolaras ed ils scolars creà durant dus dis objects fascinants d’art che n'èn betg mo attractivs da vesair mabain che portan mintgin in messadi impurtant. Objects creads ord chartun e colur che vegnan en vita cun agid da code.

L'emna da codar en maletgs