Sut «varia», pia a la fin da la radunanza, è il project per l'emprima giada vegnì preschentà publicamain. Inizianta è ina gruppa enturn la trenadra da persunalitad Petra Maria Heeb da Berneck (SG). La gruppa vul construir a Lavanuz (survart Murschetg) in center exclusiv da scolaziun per attentivitad. Il project sa numna «Anaram».
Sco strateg dal project vala Georgios Paparas e sco mentur Pino E. Zünd. Il center duai cumpigliar 100 suitas singulas e porscher 250 plazzas da lavur cumplainas.
Il president communal Franz Gschwend ha sincerà che 250 milliuns francs sajan a disposiziun per construir e manar il center. Planisà saja in center per attentivitad. Quel duai attrair managers da l'entir mund. En il center stettian ils managers alura persul, senza partenaris, senza famiglia. Ins haja gia preschentà il project al chantun e survegnì reacziuns positivas.
RTR novitads 08:00