Siglir tar il cuntegn

Header

audio
Vischnancas politicas - fusiunar ni sa schliar?
Or da Novitads dals 30.11.2020.
laschar ir. Durada: 03:53 minutas.
cuntegn

Project da fusiun Las vischnancas burgaisas han be duas pussaivladads

En la Foppa pudess quai dar insacura la segunda gronda fusiun. L'entschatta levan be Sagogn e Laax ponderar ina maridaglia, ussa fan però era Schluein e Falera part dal project da fusiun. Fertant che las vischnancas politicas han cumenzà cun las contractivas, n'èn las vischnancas burgaisas anc betg sa fatschentadas cun la fusiun.

Be duas pussaivladads

Las duas pussaivladads èn: medemamain fusiunar sco las vischnancas politicas u sa schliar. Fan las vischnancas burgaisas nagut, vegnan ellas messas ensemen e survegnan il medem num sco la vischnanca politica. Sur l'entir intschess da la vischnanca politica poi dar mo ina vischnanca burgaisa.

La suletta pussaivladad ch’i dat sche las vischnancas burgaisa na vulan betg quai è da sa schliar. En quai cas vegn il chapital transferì avant la fusiun tar la vischnanca politica correspundenta. Vegnissan tut las vischnancas burgaisas schliadas avant la fusiun, avess la vischnanca fusiunada nagina vischnanca burgaisa pli.

Metter sin la vart chapital na funcziun betg pli

Avant il 2018 pudevan las vischnancas burgaisas segirar lur chapital cun crear fundaziuns burgaisas. Quella situaziun aveva tar la fusiun da la vischnanca da Ilanz/Glion procurà per charplina. La vischnanca burgaisa da l’anteriura citad da Glion aveva curt avant la fusiun stgaffì ina fundaziun per betg stuair parter ils daners cun las ulteriuras vischnancas fusiunadas.

Da las quatter vischnancas che vulan fusiunar, ha Schluein era gia ussa ina fundaziun burgaisa. Ils da Schluein avevan fundà quella gia avant ch’ils da Glion. Cun la revisiun da la lescha da vischnancas chantunala d’avant dus onns n’è quai betg pli pussaivel.

RTR actualitad 17:00

Artitgels legids il pli savens

Scrollar a sanestra Scrollar a dretga