L'idea d'ina colliaziun directa sin il Piz Mundaun duai survegnir nov schlantsch. Ina nova pendiculara duai colliar Glion cun il culm che porscha ina fitg buna vista sur la regiun. Uss è sa furmada ina cuminanza d'interess «Rein e Péz». Al timun èn las trais vischnancas Glion, Lumnezia e Sursaissa Mundaun – latiers vegnan partenaris sco Surselva Turissem e las pendicularas Sursaissa Mundaun. Quant realistic ch'il project è, duai in studi sclerir sco proxim, communitgeschan las vischnancas Glion, Lumnezia e Sursaissa.
La finamira saja d'etablir la muntogna da chasa da Glion sco destinaziun per excursiuns, e da sviluppar la regiun enturn il Mundaun sco destinaziun attractiva durant l'entir onn. Plinavant duai il project stimular l'economia en la regiun ed augmentar las pernottaziuns.
