Siglir tar il cuntegn
Inhalt

Surselva Protecziun d’ansiels-chavriel da las maschinas da segar

Mintg’onn daventan ansiels-chavriel unfrendas da las maschinas da segar. Chatschaders s’engaschan per evitar quai.

Fists cun satgs da palpiri ubain cun chazzolas duain procurar che las chauras-chavriel van cun lur ansiels or dal prà declera il chau da tgira da la secziun Péz Alpetta, Tomas Schmed.

Per pudair far quai ston ils purs annunziar cura ch’els segan il prà. Uschia pon ils chatschaders plazzar ils fists la saira avant. Sco Tomas Schmed di saja quai lura insatge nov en il prà che disturbia. Era il fried da quests satgs ubain dals chatschaders ch’èn ids atras il prà disturbia.

L’engaschi porta bler ed è gratuit

Ina garanzia na dettia quai betg. Quai di era Hannes Jenny da l’uffizi da chatscha dal Grischun. L’onn passà sajan bain passa 100 ansiels-chavriel uschia vegnids per la vita, entras l’engaschi dals chatschaders hajan dentant rodund 400 ansiels-chavriel pudì vegnir salvads. Il servetsch che vegn purschì da bleras secziuns da chatscha custa nagut als purs. Ils chatschaders fan quai voluntari ed a favur dals animals.