Siglir tar il cuntegn

Header

Navigaziun

Legenda: Guardar il video Tgi che vul in chaun da protecziun, sto avair pazienza. Durada 04:14 minutas.
Or da Telesguard dals 05.06.2019.
cuntegn

Protecziun da muntaneras Chauns da protecziun èsi d'organisar avant ch'il luf è qua

Enfin ch'in chaun da protecziun po surpigliar sia lavur da proteger ils animals da chasa poi durar 2 onns.

Cura ch’il luf stgarpa animals en la vischinanza dal manaschi puril, alura vul il pur magari spert cumprar chauns da protecziun. Organisar quels chauns n’è dentant betg ina chaussa d'in di sin l'auter.

Sco emprim sto il pur emplenir ora ina pluna formulars. Alura vegn controllà, sch’il manaschi ademplescha tur las premissas. Sche quai è il cas, po il pur quintar cun ils chauns da protecziun. Tut tenor tge mesiras ch’èn d’ademplir, cuzza il temp da spetga tranter in mez onns e dus onns.

L’entschatta cun chauns da protecziun è pretensiusa

Cura ch’il chaun è finalmain sin il manaschi, po tut vegnir fitg cumplitgà. Il chaun da protecziun sto s’endisar vi dal nov ambient, il animals vi dal chaun, ils vischins vi dal giappar ed ils turists ston sviar saivs e muntaneras. Fin che tut funcziuna senza incaps, drovi anc ina giada in enfin dus onns.

RR actualitad 17:00