Siglir tar il cuntegn
Inhalt

Surselva Provediment d'aua a Lumbrein e parcadis publics a Vella

La radunanza communala da la vischnanca Lumnezia ha concedì dus credits: In da 1,7 milliuns francs per il project dal provediment d'aua a Lumbrein ed in segund da 400'000 francs per il project da parcadis publics a Vella.

Vista sin Vella.
Legenda: Vella survegn parcadis a Bual. MAD

Il pe da taglia da la vischnanca resta tar 105% da la taglia chantunala simpla. Quai ha il suveran decis unanimamain.

Credits da 2,1 milliuns francs

Per il project da provediment d'aua dals aclauns Nussaus, S. Andriu, Surin, Pruastg Dadens, Pruastg Dado e Silgin ha la radunanza concedì in credit da 1,7 milliuns francs. Ils parcadis publics a Vella vegnan bajegiads en il quartier Bual a Vella.

Lumnezia quinta cun lev gudogn

La radunanza communala Lumnezia ha approvà il preventiv dal quint economic cun custs da 15'254'980 francs. Il gudogn munta 127'420 francs. Era il preventiv d'investiziuns è vegnì approvà. Per l'onn 2018 quinta la vischnanca Lumnezia cun expensas da 8'295'000 francs ed entradas da 1'440'150 francs.

Plinavant ha la radunanza communala deliberà la lescha per il mantegniment da las ovras da meglieraziun per la vischnanca da Lumnezia per mauns da la votaziun a l'urna. Quella è ils 4 da mars 2018.

RR novitads 09:00