Siglir tar il cuntegn

Header

cuntegn

Public viewing a Trun Puspè uras per seser ensemen e giudair ballape

A Trun vegn organisà sin la plazza da glatsch in public viewing durant il campiunadi europeic da ballape. Davos questa idea stat l'uniun Event Team Surselva.

L'uniun Event Team Surselva è enconuschenta en la regiun per organisar festas u sairas da cumpagnia per in e scadin. L'uniun tranter 20 e 30 commembras e commembers, la gronda part enturn 20 fin 25 onns. Vegnids sin l'idea d'organisar in public viewing durant la EM da ballape èn intgins commembers durant ina saira en l'ustaria, declera il cassier da l'uniun, Patric Tuor.

Nus avain pensà ch'in public viewing fiss ina buna chaschun per puspè far marschar insatge.
Autur: Patric Tuorcassier Event Team Surselva

Sch'ins organisescha actualmain events, èsi dentant er da s'occupar cun il tema coronavirus. Regulaziuns, mascras, distanzas èn tut puncts ch'han occupà ils organisaturs dal public viewing durant las ultimas emnas. Perquai duaja dar in public viewing pitschen, dentant cool, di Patric Tuor. Els hajan la lubientscha da beneventar radund 40 persunas per gieu en lur tenda sin la plazza da glatsch.

audio
Puspè uras per seser ensemen e giudair ballape
02:38 min, Actualitad dals 10.06.2021.
laschar ir. Durada: 02:38 minutas.

La finamira principala da l'uniun è d'organisar in event per in e scadin, nua ch'ins ha finalmain puspè la pussaivladad da vegnir ensemen per avair in bun temp.

Sche pussaivel vegnan tut ils gieus dal campiunadi europeic mussà durant las proximas emnas. Tar mal'aura decidan els dentant spontan, sch'els mussan il gieu u betg.

Ord noss archiv

RTR actualitad 12:00

Artitgels legids il pli savens

Scrollar a sanestra Scrollar a dretga