La Via sursilvana tranter Punt Russein fin Val Lumpegna dastga vegnir sanada. La regenza ha approvà il project d'exposiziun latiers. Sin quest traject saja la structura da la via en in nausch stadi e na correspundia betg pli cumplainamain las pretensiuns d'ozendi a la segirezza da manaschi.
La via duai vegnir schlargiada sin 6,40 meters, punts e punts da spunda vegnian demontadas e remplazzadas tras novas, sco la regenza scriva. Ils custs totals dal project muntan a radund 16 milliuns francs.
La Via sursilvana è l'access da basa per la Surselva e serva tranter auter sco via da transit per l'access als territoris da skis e da viandar da la Surselva.