Siglir tar il cuntegn

Surselva Pur blessà grevamain tar accident a Sumvitg

A Sumvitg hai dà in accident da lavur glindesdi a bun’ura: in tractor è cupitgà. Il manischunz – in pur da 51 onns – è vegnì blessà grevamain.

Il tractor è sa fermà a l'ur dals binaris da la Viafier retica.
Legenda: Il tractor è sa fermà a l'ur dals binaris da la Viafier retica. Polizia chantunala dal Grischun

A Sumvitg è in pur sa blessà grevamain glindesdi a bun’ura. El è charrà cun ses tractor sin il funs per bittar ora puschina.

Il grip, sur il qual il tractur è cupitgà. Ils fastizs èn bain vesibels.
Legenda: Il grip, sur il qual il tractur è cupitgà. Ils fastizs èn bain vesibels. Polizia chantunala dal Grischun

Il vehichel agricul ha cumenzà a glischnar ed è cupitgà cunter in grip. Suenter radund 50 meters è el crudà dasper ils binaris da la Viafier retica. Il pur è vegnì sut il butschin da puschina en.

Il praticant ch'era sin il tractor è siglì giu ad uras e n'è betg sa blessà. El ha deliberà il pur da 51 onns sut il butschin ora. La Rega ha sgulà il grevblessà en l'Ospital chantunal a Cuira.

En Surselva hai dà retards da tren pervi da l'accident.

RR novitads 16:00