Siglir tar il cuntegn

Surselva Puras grischunas èn d’accord da sajettar il luf

Il favrer passà ha in luf stgarpà nursas dad in pur da Trun. Dapi lura èn las emoziuns grondas. E las uniuns da puras e purs han ina clera opiniun.

Luf en il guaud.
Legenda: Las puras dal Grischun è, da l'opinium ch'ins duess pudair sajettar il luf sch'el fa donn als animals (maletg d'archiv). Keystone

Sajettar el, sch'el fa donns

Sco pur e pura hajan ins tema ch’il luf stgarpia bestgas, e sch’el vegnia memia datiers da la stalla stuess ina avair il dretg da sajettar el. Quai di Tina-Maria Ritz, ella è stada presidenta da l’uniun da las puras grischunas fin il 2 d’avrigl 2017.

Da la medema opiniun èn era autras puras dal Grischun. Sch’el fa donn als animals, alura ston ins prender mesiras, vul dir: alura ston ins pudair sajettar el.
Ina dunna ha dentant manegià ch’ins possia viver cun il luf, uscheditg che quel na fetschia betg problems.

Radunanza da las puras grischunas
Legenda: Radunanza da las puras grischunas RTR, H. Giger

Dapi 2001 en il Grischun

Dapi 2001 è il luf en il Grischun. Intgins onns avant vevan ins vis el en il chantun Vallais, ed alura èsi stà cler ch’el pudess era arrivar en il Grischun.
Dacurt ha era il president da l’uniun purila svizra, Markus Ritter, pretendì ch’ins stoppia pudair sajettar il luf en cas da basegns.

RR actualitad 11:00