Paul Caduff ha 32 onns e posseda dapi set onns in bain puril a Morissen. Sustegn survegn el da ses geniturs e da l’amia, la responsabladad è dentant la sia. Sin ses bain da 47 hectaras ha il pur vatgas, che produceschan latg per l’industria, sterlas e nursas.
Daco vulan paucs daventar pur e pura?
N’è la professiun da pur betg attractiva avunda? Ni han ins in fallà maletg dal pur? Quant impurtant èsi d’avair ina purschida supplementara sco ina pitschna butia ni ina stanza per laschar durmir osps? Tge mancass sch’ins na dess naginas purs?
Questas ed autras dumondas vul respunder RTR en il decurs da l’avantmezdi.
Impressiuns dal mintgadi da Paul Caduff
-
Bild 1 von 13. Paul Caduff piglia talpas. Bildquelle: RTR, Angela Hendry.
-
Bild 2 von 13. Paul Caduff ha er intginas nursas. Bildquelle: RTR, Angela Hendry.
-
Bild 3 von 13. Il bain puril a Morissen è dapi set onns en possess da Paul Caduff. Bildquelle: Keystone.
-
Bild 4 von 13. Las proximas lavurs spetgan a Paul Caduff – ed Angela Hendry, ch'accumpogna el questa bun'ura per RTR. Bildquelle: RTR, Angela Hendry.
-
Bild 5 von 13. Activitads er en stizun –. Jacobina Caduff lavura per sia cliantella. Bildquelle: RTR, Angela Hendry.
-
Bild 6 von 13. La stizun sin il bain puril dals Caduffs. Bildquelle: RTR, Angela Hendry.
-
Bild 7 von 13. Davent da questa stalla cultivescha Paul Caduff 47 hectaras fund. Bildquelle: RTR, Angela Hendry.
-
Bild 8 von 13. La vista davent da la stalla si sur Morissen. Bildquelle: RTR, Angela Hendry.
-
Bild 9 von 13. Camila, la meglra vatga en la stalla da Paul Caduff. Bildquelle: RTR, Angela Hendry.
-
Bild 10 von 13. La muaglia da Paul Caduff è gia vi da l'ensolver. Bildquelle: RTR, Angela Hendry.
-
Bild 11 von 13. Tar la stalla da Paul Caduff a Morissen chatscha il di. Bildquelle: RTR, Angela Hendry.
-
Bild 12 von 13. Levà dapi las 04:10 – . durant ch'in u l'auter è magari anc en letg è Paul Caduff gia en stalla tar sia muaglia. Bildquelle: RTR, Angela Hendy.
-
Bild 13 von 13. Gia dapi baudezzas arda la glisch en stalla da Paul Caduff. Bildquelle: RTR, Angela Hendry.
Ì dat singuls giuvens che lessan daventar pur
Il siemi da Franco Levy è da daventar pur. El less far l’emprendissadi da mecanist da maschinas agriculas, frequentar dus onns il Plantahof e suenter surprender in bain puril.
Ils animals e las maschinas fascineschan il giuven da 14 onns. Blera lavur e pauc temp liber na fan betg tema ad el. Dad ir cun animals tar il mazler saja necessari, fetschia dentant magari in zic mal il chor, di Franco Levy. Lavurar sco pur saja uschè bel, pervi dals animals, pervi da las maschinas e perquai ch’ins saja l’agen schef.