Las pendicularas da Val S. Pieder èn dapi plirs onns en ina miseria finanziala. Dals quatter models per meglierar quai ha la varianta «All included» plaschì il meglier venderdi saira.
- Model 1: All Included
- Model 2: ir cun skis favuraivel
- Model 3: garanzia da deficit
- Model 4: 1+2 maschadà
All included vul vairamain dir che ils osps ed ils indigens a Val san ir cun skis gratuit. Pajà vegn quella purschida sur la taxa d’osps cun 1’000 francs per letg ad onn da la hotellaria e 500 francs per letg dals possessurs da secundas abitaziuns.
Tar la segunda varianta, ir pli favuraivel cun skis custa la carta da stagiun 333.- e la carta dal di 29.- Ella fiss per la vischnanca la varianta pli favuraivla.
La varianta 3 - dar ina garanzia da deficit e far ina reserva da 300’000 francs per investiziuns - che l’uniun da possessurs da secundas abitaziuns preferiss ella muntass quasi in status quo.
La varianta 4 - ina maschaida tranter varianta 1 e 2 - è strusch vegnida menziunada. Ussa san osps ed indigens eleger en in questiunari online tge varianta che duai vegnir persequitada vinavant.
Quest atun quintan ils da Val ch'i vegnian a votar co ch'els vulan spendrar lur pendicularas.
RR novitads 09:00