Siglir tar il cuntegn

Header

cuntegn

Surselva Quint 2014 da Trun cun in gudogn

Il quint 2014 serra cun in gudogn da var 69‘000 francs. Quai tar expensas da bunamain 9,6 milliuns francs, ed entradas da passa 9,7 milliuns francs.

La vischnanca da Trun ha pudì far tranter auter amortisaziuns ordinarias da 398'000 francs, ed amortisaziuns supplementaras da 2,4 milliuns francs. Il gudogn avant amortisaziuns (cashflow) munta a passa 3 milliuns francs.

Era entradas spezialas

Sco il president communal Dumeni Tomaschett ha declerà ier saira a la sesida dal cussegl da vischnanca, saja quai bun resultat stà pussaivel pervi da las entradas da la vendita d’energia, da taglia e da la gulivaziun da finanzas.

La vischnanca haja ultra da quai generà autas entradas ord venditas da terren, ed ord la vendita da la chasa da scola a Zignau.

Investiziun gronda en favur dal campadi

Il quint d’investiziuns serra cun expensas da 1,5 milliuns francs, ed entradas da 393'000 francs. La gronda posiziun pertutga las aczias dal Campadi Trun SA cun 565'000 francs.

Il cussegl da vischnanca da Trun ha approvà il quint 2014, cun resalva dal referendum facultativ, sco era il quint 2014 da la meglieraziun da Schlans.

RR Novitads 11:00

Artitgels legids il pli savens