Vitiers ha la vischnanca da Glion pudì finanziar l'onn passà sez las investiziuns nettas da 2 milliuns francs – grazia ad in'atgna finanziaziun da 3,2 milliuns. Tenor il rapport annual è quai il pli aut cash-flow dapi la fusiun avant 6 onns.
La vischnanca fa dentant attent en sia communicaziun, che quest resultat haja da far cun il fatg che grondas investiziuns sco tscherts projects parzials en il rom da la renovaziun da la staziun da Glion sa retardeschian.
Per la perioda da planisaziun 2021 - 2024 preveda la suprastanza communala, quai che pertutga projects pli gronds, las suandantas prioritads:
- Renovar la staziun ed il plaz d'autos da posta
Renovar il lavuratori communal cumbinà a Glion (pumpiers e lavurers
communals)
- Sanaziun cumplex da scola a Castrisch
- Eventualmain bajegiar edifizi substitutiv / amplificaziun scolina a Glion
La summa d'investiziuns sur quests quatter onns importa 48 milliuns francs. La vischnanca da Glion sto pajar circa 27 milliuns francs.