Sco la suprastanza communala scriva en il messadi sveglia il quint danovamain giavischs per novas investiziuns u per reducir il pe da taglia. Perquai fa la suprastanza attent a las grondas investiziuns planisadas ils proxims onns. Tranter auter ha la vischnanca fatg in'ulteriura reserva dad 1,3 milliuns francs per il project da sanaziun ed engrondiment dal Center da sport e cultura.
Las investiziuns fatgas l'onn passà cuntanschan la summa da radund 5 milliuns francs. Ina buna part è flessegiada en infrastructura da basa sco access, dismessa e purificaziun da l'aua.