Racoltar durant tut las 4 stagiuns

Cura la naiv è luada ed il terren sdreglientà, sche lura pon ins entschaiver a plantar e semnar en l’iert avant chasa. Racoltar pon ins per il pli la stad u l’atun. In che na racolta betg mo lura, mabain era l’enviern e la primavaira, è Christian Weber.

Bleras tomatas cotschnas e verdas. Bild in Lightbox öffnen.

Legenda da maletgs: maletg simbolic: Ils legums da Christian Weber creschan sur onn ora. Keystone

El cultivescha e racolta fritgs, legums ed ervas sper l’ustaria Hospezi sur il vitg da Trun e quai durant tut las 4 stagiuns. Per ch'el possia era racoltar tut il temp experimentescha Christian Weber bler en ses ierts. En emprima lingia emprova el da nizzegiar uschè bler sco pussaivel. El ha era ierts en differents lieus. Uschia semna el per exempel salata en in uigl vegl u metta tartuffels sper in mir d'in clavà.

Christian Weber cusseglia era ch'in iert na duai betg avair structuras ed esser in construct artifizial. In iert dastgia gugent esser in zic selvadi cun ina massa differentas sorts da fritgs, legums ed ervas.